Um okkur

56041ebc26c57 Ferðaþjónustan Hjalla ehf er rekin á lögbýlinu Hjalla í Kjósarhrepp. Býlið Hjalli er nýbýli út úr jörðinni Eyjum I síðan árið 1952.

Hefðbundinn búskapur var stundaður á jörðinni þ.e.a.s. mjólkurframleiðsla og sauðfjárrækt. Árið 1980 keyptu núverandi ábúendur jörðina, og bjuggu þar fyrstu árin með kýr og kindur.

Sauðfjárbúskapur var stundaður á jörðinni allt til ársins 2017 ásamt ferðaþjónustu. Hjalli er 50 km frá Reykjavík, við veg nr. 461, 5 km frá Hvalfjarðarvegi nr. 47.

Árið 1998 stofnar Ferðaþjónustan Hjalla ehf , Kaffi Kjós þjónustumiðstöð sem er staðsett í suðurhlíð Meðalfells, með góðu útsýni yfir Meðalfellsvatn. Þar er veitingarsala og verslun. Þar er lögð áhersla á að fólk geti notið veitinga í heimilislegu umhverfi.

Fyrirtækið býður einnig upp á gistingu: tjaldsvæði , smáhýsi (fyrir 2), Hvassnes (fyrir 6)

Salarleiga : Hlaðan að Hjalla hefur nú verið innréttuð fyrir mannfagnaði, þar sem munir minna á liðna tíð í sveitinni.

Kaffi Kjós er komið í vetrardvala , takk fyrir samveruna 2017.

Opnum aftur um páska 2018.

Sjáumst hress á nýju ári.

Fylgdu okkur á Facebook og fylgstu með hinu og þessu skemmtilegu sem er í gangi á Kaffi Kjós.