Fréttir

Sviðaveisla 2022

Sviðaveisla í Hlöðunni að Hjalla 5.nóvember 2022. Húsið opnar kl. 19 borðhald kl. 20 Kokkur Jón Þór Aðgangseyrir kr. 5700 Miðapantanir fyrir 1.nóvember í síma 8972219 Hermann/ 8682219 Birna kaffikjos@kaffikjos.is

Landslag - Hlaðan að Hjalla

skrifað 10. nóv 2017

LANDSLAG OG ÞÁTTTAKA

Kvöldmáltíð í Kjós – Stefnumót við landslag

Föstudaginn 10. nóvember kl. 19.30 í Hlöðunni að Hjalla

Öllum Kjósverjum, íbúum og öðrum sem dvelja í Kjósinni, er boðið til kvöldmáltíðar og stefnumóts við landslag föstudagskvöldið 10. nóvember.

Stefnumótið er hluti af verkefninu Landslag og þátttaka, sem er styrkt af Skipulagsstofnun og unnið samhliða aðalskipulagsvinnu Kjósarhrepps. Markmið verkefnisins er að varpa ljósi á gildi og gæði landslags og þróa leiðir til þess að auka þátttöku almennings í því að móta þessi gildi og gæði til framtíðar. Að verkefninu standa Birna Lárusdóttir fornleifafræðingur, Edda Ruth Hlín Waage landfræðingur, Guðbjörg Rannveig Jóhannesdóttir heimspekingur, Gunndís Ýr Finnbogadóttir myndlistarmaður, Helga Ögmundardóttir mannfræðingur og Tinna Gunnarsdóttir vöruhönnuður.

Síðastliðinn vetur var Kjósverjum boðið til þátttöku í fyrsta hluta verkefnisins. Rætt var við fjölbreyttan hóp um 30 einstaklinga sem búa í Kjósinni eða dvelja þar í sumarhúsum sínum um gildi og gæði landslagsins, breytingar, áskoranir og framtíðarsýn.

Nú er komið að öðrum hluta sem snýr að samtali við enn fleiri, þar sem boðið verður til kvöldverðar. Þar verða kynntir helstu þræðir þess sem fram kom í samtölunum og leitað eftir þátttöku enn fleiri Kjósverja í áframhaldandi samstarfi og samtali.

Landslag er orð sem vísar í senn til þeirra náttúrulegu og manngerðu þátta sem móta landsvæði og til upplifunar okkar og skynjunar á því hvernig þessir þættir virka á okkur sem heild og hvaða áhrif þeir hafa á okkur og lífsgæði okkar. Sífellt meiri áhersla er lögð á þau gildi sem landslag hefur og þau gæði sem það getur skapað okkur. Aukin þátttaka fólks sem hefur þekkingu á sínu landsvæði skiptir höfuðmáli og getur haft jákvæð áhrif á mótun framtíðarsýnar fyrir sveitarfélög. Markmið verkefnisins Landslag og þátttaka er að finna þessari þátttöku opinn farveg. Verkefnið í Kjósinni er tilraunaverkefni sem skapar grundvöll til þess að halda áfram að þróa þennan farveg á fleiri svæðum í framhaldinu. Nánari upplýsingar um verkefnið má finna á landslagid.is

Allir unnendur Kjósarinnar eru hjartanlega velkomnir  Til að hægt sé að áætla hæfilegt magn veitinga væri gott að sem flestir gætu skráð sig fyrirfram með því að senda tölvupóst á landslag@lhi.is eða hringja í síma 865-7580. Ath. skráning er þó alls ekki forsenda þátttöku.

Dagskrá kvöldsins: 19.30 - Húsið opnað 20.00 - Kynning á verkefninu Landslag og þátttaka 20.10 - Kvöldmáltíð í boði verkefnisins: Fiskisúpa/grænmetissúpa 20.30 - Kynning á niðurstöðum samtala við einstaklinga 20.50 - Umræður í hópum 21.20 - Kaffi og heimabakaðar kökur 21.30 - Áframhaldandi umræður 22.00 - Formlegri dagskrá lýkur – létt stemming á barnum tekur við

Þakkir

18. apr 2017

Páskabingóið gekk frábærlega vel og þökkum við þeim sem mættu fyrir þáttökuna einnig þeim sem fengu ekki spjöld né sæti og urðu frá að hverfta. Við viljum einnig þakka þeim sem gátu ekki komið en sendu pening í söfnunina. Svo fær Tinna Dögg þakkir fyrir að vera svona dugleg að safna vinningum, en eftirtaldir aðilar gáfu vinninga:

Góa, Nói & Síríus, Coca cola, Local, emmessís, ZO-ON, krispy kreme, Íslensk Dreifing, Public House, Ísfugl, Hornið, MS, Skautahöllin, 66 N, Gæðabakstur, Adrenalíngarðurinn, Byko, Rekstrarvörur, Papco, Bakarameistarinn, Hreggnasi, Kaffi Kjós, Veitiastaðurinn Apótekið, Valfoss, Elding ehf, Matarkjallarinn, Kfc, Spa Hótel Selfoss.

Kvenfélag Kjósarhrepps lánaði okkur Bingóið, og fær bestu þakkir fyrir.

Það safnaðist kr. 172,000,- og verður afhent einhverfusamtökunum í vikunni.

Bestu kveðjur, Hermann og Birna

05. apr 2017
Opnun 2017
25. des 2016
Jólakveðjur
20. apr 2016
Sumardagurinn fyrsti
12. apr 2016
Bingó
05. mar 2016
05-03-16 12:03
30. des 2015
Jólakveðjur
10. des 2015
Aðventan
02. nóv 2015
Opnunartími

Síður 1 2 3

The campside is open.

Kaffi Kjós hefur lokað. Við þökkum öllum viðskiptavinum sem hafa fylgt okkur síðustu 24.árin :) Kaffi Kjós er en til sölu , tilvalið viðskiptatækifæri fyrir kraftmikið fólk. Við erum en með tjaldsvæði og salarleigu að Hjalla. Kær kveðja Hermann og Birna

Kaffi Kjós has closed. We thank all the customers who have followed us for the last 24 years :) Kaffi Kjós is for sale, an ideal business opportunity for energetic people. We have a camping site and a hall rental at Hjalla. Yours sincerely Hermann and Birna

Fylgdu okkur á Facebook

Kaffi Kjós

Ferðaþjónustan Hjalla ehf

Hjalla, Kjós
Sími 5667019 - 8972219
276 Mosfellsbær
kt: 420506-2520
Netfang kaffikjos@kaffikjos.is

Fréttir

Fréttir

Sviðaveisla 2022

Fylgdu okkur á Facebook

Ferðaþjónustan Hjalla ehf

Allur réttur áskilinn © 2015